U làriciu di Corsica

U Làriciu

Pinus Nigra subsp laricio var corsicana (nome scintificu)

U làrice ou u lariciu (nome corsu).

Nota tecnica

U làriciu di Corsica

Caratteri biològichi è ecològichi

Arburi à legnu didosu di a famiglia di e Piname, u Làriciu pò andà fin’à 50 m d’altura ;
A curtuccia grisgia argentu si presenta furmata di grande lastre irregulare ;
U fustu (burdinale), drittu è slanciatu pò piglià diàmetri impurtentissimi (180 cm) ;
I sò pignotti sò chjuchi (di 4 à 8 cm) è a fruttificazione hè bona tutti i 2 à 3 anni ;
A so lunghezza di vita hè eccessiunale è si conta in seculi (500 anni) ;
Eliòfilu, si sviloppa rapidamente in pienu lume ;
A sò andatura, cònica in i sò primi anni, piglia una forma tavularia ind’è i sughjetti attempati o criscendu nantu à e cime ;
Perfettamenti adatti à u clima mediterreneu, supportanu l’arsura di l’estate è prufiteghjanu di a bona pluviosità annuale (di 800 à 1 500 mm/annu) di e muntagne corse).

Pruprietà

E proprietà di u làriciu. di Corsica ne hanu fattu a terza essenza di rimbuscamentu in Francia cuntinentale sùbitu dopu à u “douglas” è à u pinu marìttimu.

Rustichezza: suppurteghja bè tutte e categurìe di clìmi.
Capacità d’adattazione: suppurteghja una diversità di terreni assaì impurtente (fora di i terreni calcàrei o troppu imbuttrati).
Produttività: a sò crèscita hè ràpida è ‘lu dà un legnu di qualità superiore.

Induv’antà à truvà lu ?

Si pò distingue duie àree di repartzione di u làriciu di Corsica:

Area naturale ghjè u territotiu induve u làriciu di Corsica si sviloppa à u statu naturale. St’àrea hè lucalizata solu nant’à e muntagne corse, hè per quessa ch’ellu si dice chi a razza hè endémica à a Corsica. Nant’à 212 920 ettari di funesta corsa, 45 000 ettari danu alloghju à i làricii di Corsica, nant’à i quali 21 000 ettari custituìscenu populamenti puri.
Zona d’impiantazione : ghjè u territorio induve l’essenza hè stata impiantata per varie raghjone invece ch’ell’ùn face micca parte di a vegetazione naturale. In Francia cuntinentale, e piantazione di làricii di Corsica raprisinteghjanu 100 000 ettari.

E fureste di làrici

E fureste di làrici caratteriseghjanu e muntagne corse (1 000 à 1 800 m) induv’elle sò maestre nantu à i versi assulanati (sulana)

Nantu à e pendite sposte à u nordu, più fosche è più fresche (umbria), si trovanu associe o à cantu à i valdi di favi, di ghjàllichi, di tassi è di caracuti.

Poì falendu versu à u liturale, si mischjianu prima di lacia a piazza à i boschi di liccia o di pini marìttimi.

Chjave d’equilibrera d’un’ecosistèmu cumplessu cunstituìtu ingiru à elle, a sò esistenzia assicureghja u distinu d’un nùmeru impurtente di razze animale è vegetale. U sò valore patrimuniale hè eccessiunale. Dendu alloghu à vintottu razze d’acelli, ospitanu l’ùnicu pàsseru endèmicu di Francia, u pichju muratore corsu (Sitta whiteheadi).

Di u puntu di vista di a razza, u làriciu ùn hè micca in periculu è i populamenti sò in bonu statu di cunservazione d’una manera generale. Solu i fochi riprisentanu un periculu accertatu. Per casgione di l’omu, sò troppu frequenti è divastatori.

Ci sò tandu duie poste maiò chi guidanu oghje a gestione d’issi ambienti furestieri isulani:

una valurisazione ecunòmica multifunziunale di e fireste realizata cù a primura, sempre in mente, di rispettà e richezze ecològiche.
a risturazione di a diversità paseata, chi u sfruttamentu di l’ambiente furestieri da l’omu tra i seculi ne ha rottu l’ordine è l’ha appuculita.

Petit Botrychium		Diversità biològica

Luzule du Piedmont		Gentiane asclépiade

L’homme et la forêt de pin laricio de Corse

 “Ce ne sont point les ouvrages de l'art qui agrandiront 
   la pensée de celui qui voyage en Corse, mais bien
    l'effroi et l'admiration que produit nécessairement
     une nature dont toutes les scènes sont effrayantes
      et majestueuses ”
        (Hubert Lauvergene, Mémoire sur la Corse, 1823, 
            dans L'île d'à côté de Paul Silvani, 1998).

Guy de Maupassant in l’anni 1880, scrivia sopre a funesta d’Aitone :

“…i pini smisurati allargavanu sopr’à i nostri capi
   una volta lagnosa, sciaccavanu una specia di pientu
    cuntinùu è triste, invece ch’à dirritta cum’è à 
      manca i sò burdinali fini è dritti facianu una 
       sorta d’armata di cundutti d’organi d’und’ella
         paria esce quella mùsica cum’è u murtoriu di
           u ventu in e cime…”

Per sapène di più

Pulitica di l’Europa rilativa à l’ambiente

A preservazione di a natura hè una primura di a pulitica di l’ambiente cundutta da l’Unione Europea dipoi u principiu di l’anni 70. E Direttive cummunitarie “Acella” è pò “Alloghji” hanu custituìtu un impurtente fundamentu legislativu per a prutezzione di e razze ‘fàuna è flora) è di l’eccosistemi scarzi è/o minacciati à u livellu europeu.

Natura 2000

In applicazione d’isse direttive, una reta di sitti prutetti hè stata stabulita in Europa, a reta Natura 2000. U scopu hè di favurizà u mantenimentu di a biodiversità in una lògica di gestione durevule tinendu contu di l’esigenze econòmiche è sociuculturale.

L’alloghju ch’hè u làriciu di Corsica

L’alloghju naturale ch’hè u làriciu di Corsica, propriu pocu riprisentatu à u livellu auropeu, hè statu classificatu priuritariu in u quadru di a Directiva “Alloghji”. U làriciu dà allohgju a parechje razze d’interessu cummunitariu cume u pichju muratore corsu (Acella endémicu) o anca u discugluttinu corsu (picculu ruspu muntagnolu).

Prugramma LIFE

LIFE hè unu di i strumenti finanziarii di l’Europa, chì li pirmette di mette in applicazione e sò Direttive.

L’ONF, gestore di a maiò parte di e sureste di làrici in Corsica per u contu di e cullettività, ha benifiziatu d’issi finanziamenti. Cusi, u programme LIFE Natura “per una gestione conservatoriu di l’allohgji chi sò i làrici” ha pulsutu esse messu in opera nantu à i sitti di a reta Natura 2000.

Azzione cuncrete

Accunciamentu di chjassi di spassighjate temàtiche ;
Realisazione d’una mostra chì presenta a razza làriciu di Corsica (funesta di Bavella, casa furestiera d’Arza) ;
Edizione di strumenti di gestione di i populamenti di làriciu chì piglianu in contu a sò diversità ;
Travaglii furestieri chì hanu vucazione à ricreà dinò u mischju di l’essenze, à migliurà u biotippu di e razze (cume a muvra corsa) chì fraquentanu l’alloghju ch’hè u làriciu, à pruteghje l’alloghji relittuali assuciati à u làriciu (tassu, ghjinèparu turiferu)..